2011.02.08禮拜二-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,542,827 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2011.02.07禮拜一《前一篇

後一篇》 2011.02.09禮拜三

回應

給他日記貼紙

給他愛的鼓勵

檢舉

篇名: 2011.02.08禮拜二
作者: C	日期: 2011.02.09　　天氣: 　心情:

今仔日禮拜二，伊透早就真濟人放炮，年真正是過啊。
咱故事繼續。
話講三藏師父一陣人，繼續往西天行去。
這日透早，潑猴一透早就爬起來，趁師父師弟抑在睏，走出去四界踅踅咧。
想著仙姑娘娘鼓勵的話，精神別好。
一去就兩點外鐘，轉來時，師父已經食飽。

中晝時，師父將過年時仔存的菜，煮煮作一鼎公家食，號做｢火鍋｣。
擱將前幾日朝山時提轉來的｢醍醐｣，灌頂一下。
中晝過，講欲去仙姑娘娘所在參拜，所以潑猴緊去洗身軀一下，
接著一位真久無連絡、退出妖怪界的妖怪通知，講最近心情無偌好，
因為妖怪伊厝內面大人無爽快，所以伊真緊張，亦真無盈。
潑猴聽了煞有淡薄仔同情伊。
無偌久，師徒四人先作功課，即出發去揣仙姑。

只見師徒四人已經是晚到，內底人足濟，攏是來參拜請教。
仙姑指示：三藏師父今年逢三六九運，愛特別細膩；五月驚有血光，愛佈施。
又叫潑猴過來，講：大聖，你五日後傳這物件擱來一遍。我幫您祭改斬小人。
.............插播一下.........
各位看倌，恁一定呣知，自從猴齊天受戒出家，花果山水濂洞已經是有一番變化
受著文明社會演進，彼陣猴囝猴孫，正準備大鬧花果山....
猴齊天正為著此事煩惱不堪。
.............轉來..................
聽著仙姑的話了，師徒半信半疑轉來，暗頓一點仔胃口攏無。
其實是已經先補充體力過啊。

潑猴這時靈魂出體，飛去天頂揣仙姑。
仙姑煞講起伊，較早出家得道前，悲慘的人生。
聽得這隻潑猴憨憨，一時亦隨伊流目屎。
仙姑娘娘最後降示：｢大聖聖聖，你愛揣出你的心心心，心若安安安，前途自然光明明明...｣
｢明仔日日日，我會落去凡間間間間，你即來接駕駕駕....｣
講了，潑猴精神，又擱緊走去和師父作夥做功課。
師父講伊身體無相爽快，不知敢是倒糞圾時陣走尚緊的關係？

到底師父身體有要緊否？明仔日接仙姑娘娘駕又擱會發生啥物代誌？
請明仔日繼續準時收看~

標籤:

瀏覽次數:152 人氣指數:772 累積鼓勵:31

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：