2025.2.16-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,556,922 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2025.2.2 《前一篇

回應

給他日記貼紙

給他愛的鼓勵

檢舉

篇名: 2025.2.16
作者: C	日期: 2025.02.16　　天氣: 　心情:

今仔日是二月十六，禮拜日。我佇路伊莎摸非。
開工了一直無時間寫日記。
昨昏2/15(六)透早嘛來路易莎摸非，晏晏才轉去。晏晏才食早頓。
阿舅來。阿母叫我買中晝頓轉去，陪阿舅開講。
鴨肉飯無開，太太就講苓雅路一間燒肉飯袂歹食，就隨斡去買。
阿舅久無來開講矣，坐誠久。
這擺攏用足慈祥的的笑容看我佮囡仔。
我佇面冊頂懸看著阿爸已早的學生寫的文章，咧呵咾阿爸較早教冊指導畫圖的文章。
誠有感覺。
原底拜六阿母是提議欲招幾个阿舅阿妗聚餐，因為二妗無閒就準煞。
講著聚餐，拜三暗時阿母就叫我訂餐廳，揣著兩間，閣會當唱歌。
拜三下晡，落雨。我想著囡仔學琴太太機車歹載，所以趕轉去。
結果太太講雨無大，借一領烏色糞埽袋仔共琴包起來，囡仔行路攑雨傘轉來。
和我同齊到厝。
暗時食飯飽，囡仔講欲去看吉伊卡哇，雖然落雨，我嘛是開車載去。
烏寒雨誠覕爍，無幾个人。擔仔位大部分嘛攏收起來矣。
揣一擔賣燒的，予太太佮囡仔做暗頓。

我去邊仔食薰，想著新聞講著遮，煞感覺怪怪。
其實若無新聞代誌，暗時佇遮，涼冷的綿綿小雨透著海味，嘛是誠浪漫。
按時轉去厝，囡仔講著老師予班上看虎頭蜂的影片故事，
煞驚假毋敢睏，規暝攏愛我共抱咧。有一點仔反常。
隔日拜四暗時嘛是。
所以拜六阿舅轉去了後，我就建議太太取去收驚。

拜三收著囡仔的獎狀。頂擺舊年參加出版社辦的比賽。

頂禮拜五、六嘛是蹛新厝。
太太共囡仔買一个玩具，予伊袂閣吵欲看手機仔。
伊煞沉迷咧耍，正經代誌攏無欲做，琴也毋練，字也毋寫。

標籤:

瀏覽次數:2 人氣指數:2 累積鼓勵:0

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：